കാഞ്ഞിരങ്ങാട് വൈദ്യനാഥ ക്ഷേത്രം ദർശന സമയം, ആചാരങ്ങൾ, വിശ്വാസങ്ങൾ

കാഞ്ഞിരങ്ങാട് വൈദ്യനാഥ ക്ഷേത്രത്തിന്റെ ഐതീഹ്യം

പതിനൊന്നാം നൂറ്റാണ്ടിൽ പുനർ നിർമ്മിക്കപ്പെട്ട ഈ ക്ഷേത്രത്തിന്റെ ഉത്ഭവത്തെക്കുറിച്ച് മനോഹരമായ ചില ഐതിഹ്യങ്ങളുണ്ട്. ഭസ്മാസുരന്റെ മകനായ കാരസ്കരൻ എന്ന അസുരനെ നിഗ്രഹിച്ച ശേഷം ഭാർഗ്ഗവരാമൻ കാട്ടിലൂടെ നടക്കുമ്പോൾ തേജോമയമായ ഒരു ശിവലിംഗം കാണുകയും അത് പൂജിക്കുകയും ചെയ്തു എന്നാണ് ചരിത്രം. കാരസ്കരൻ എന്ന അസുരൻ മൂലം പരശുരാമൻ ഇവിടെ എത്തിയതിനാൽ ഈ ക്ഷേത്രം ‘കാരസ്കരാലയം’ എന്ന് അറിയപ്പെടുകയും, പിന്നീട് അത് ലോപിച്ച് കാഞ്ഞിരങ്ങാട് ആയി മാറുകയും ചെയ്തു എന്നാണ് വിശ്വാസം. ക്ഷേത്രത്തിന് മുന്നിൽ ഇലകൾ അനങ്ങാത്ത ഒരു വലിയ കാഞ്ഞിരമരം ഉള്ളതുകൊണ്ടാണ് ഈ പേര് വന്നതെന്നും പറയപ്പെടുന്നു.

മറ്റൊരു പ്രധാന ഐതിഹ്യം സൂര്യദേവനുമായി ബന്ധപ്പെട്ടതാണ്. പാലാഴി മഥന സമയത്ത് വാസുകി ശർദ്ദിച്ച വിഷമേറ്റ് സൂര്യന്റെ തേജസ്സ് മങ്ങിയപ്പോൾ, ഗരുഡന്റെ ഉപദേശപ്രകാരം സൂര്യൻ ശിവനെ ധ്യാനിച്ച് രോഗമുക്തിക്കായി ‘വൈദ്യനാഥ ലിംഗം’ സമ്പാദിച്ചു. ഈ ലിംഗം ലക്ഷ്മിപുരത്തിനടുത്ത് (തളിപ്പറമ്പ്) പ്രതിഷ്ഠിച്ച് പൂജിച്ചതോടെ സൂര്യദേവന്റെ രോഗം ഭേദമായി. ചോള രാജാവായ ശതസോമൻ അന്തർജനങ്ങൾക്കും കൊട്ടാരത്തിലെ സ്ത്രീകൾക്കും ഭജനമിരിക്കാൻ വേണ്ടിയാണ് ഈ ക്ഷേത്രം നിർമ്മിച്ചതെന്നും, പിന്നീട് ഇത് കശ്യപ ഗോത്രക്കാർക്ക് ദാനം നൽകിയതാണെന്നും ചരിത്രരേഖകൾ സൂചിപ്പിക്കുന്നു.

ഉത്തരകേരളത്തിലെ പ്രസിദ്ധമായ ത്രിമൂർത്തി ക്ഷേത്രങ്ങൾ

പണ്ടുകാലം മുതൽക്കേ ഉത്തരകേരളത്തിലെ സ്ത്രീകൾ കുട്ടികളുടെ ക്ഷേമത്തിനായി തൊഴുതുവന്നിരുന്ന പ്രധാനപ്പെട്ട മൂന്ന് ക്ഷേത്രങ്ങളിൽ ഒന്നാണിത്. താഴെ പറയുന്നവയാണ് ആ മൂന്ന് ക്ഷേത്രങ്ങൾ:

• തളിപ്പറമ്പ് രാജരാജേശ്വര ക്ഷേത്രം: കുഞ്ഞിന് പ്രതാപവും ഐശ്വര്യവും നൽകുന്നു.
• തൃച്ചംബരം ശ്രീകൃഷ്ണ ക്ഷേത്രം: കുട്ടികൾക്ക് നല്ല സ്വഭാവഗുണവും സദ്ബുദ്ധിയും പ്രധാനം ചെയ്യുന്നു.
• കാഞ്ഞിരങ്ങാട് വൈദ്യനാഥ ക്ഷേത്രം: ആയുസ്സും ആരോഗ്യവും സൗഖ്യവും പ്രധാനം ചെയ്യുന്നു.

ഈ മൂന്ന് ക്ഷേത്രങ്ങളും പരസ്പരം ബന്ധപ്പെട്ടിരിക്കുന്നു. നിലവിൽ മലബാർ ദേവസ്വം ബോർഡിന്റെ കീഴിൽ ടി.ടി.കെ (TTK) ദേവസ്വം ബോർഡ് ആണ് ഈ ക്ഷേത്രങ്ങളുടെ ഭരണം നടക്കുന്നത്.

പ്രധാന വഴിപാടുകളും മാറാവ്യാധി ശമനവും

ശക്തമായ രോഗശാന്തി കഴിവുകളുള്ള ക്ഷേത്രമായാണ് കാഞ്ഞിരങ്ങാട് അറിയപ്പെടുന്നത്. ത്വക്ക് രോഗങ്ങൾ, കണ്ണ് രോഗങ്ങൾ എന്നിവ ബാധിച്ചവർ ഇവിടെ വന്ന് ഭജനയിരുന്ന് പ്രാർത്ഥിച്ചാൽ രോഗങ്ങൾ പൂർണ്ണമായും മാറുമെന്നാണ് അനുഭവിച്ചറിഞ്ഞ ആയിരക്കണക്കിന് ഭക്തരുടെ സാക്ഷ്യം. ക്ഷീരധാര, ജലധാര എന്നിവയാണ് ഇവിടുത്തെ ഏറ്റവും പ്രധാനപ്പെട്ട വഴിപാടുകൾ.

വിശേഷ ദിവസങ്ങളും ആഘോഷങ്ങളും

സൂര്യദേവൻ പൂജിച്ച ശിവലിംഗം ആയതുകൊണ്ട് തന്നെ ഇവിടെ ഞായറാഴ്ച വളരെ പ്രധാനപ്പെട്ട ദിവസമാണ്. ഗണപതി, അയ്യപ്പൻ, ഭഗവതി എന്നിവരാണ് ഇവിടുത്തെ പ്രധാന ഉപദേവതകൾ. ക്ഷേത്രത്തിലെ പ്രധാന ആഘോഷങ്ങൾ താഴെ പറയുന്നവയാണ്:

കാഞ്ഞിരങ്ങാട് വൈദ്യനാഥ ക്ഷേത്രം ദർശന സമയവും പൂജകളും (Kanhirangadu Vaidyanada Temple Timings)

• രാവിലെ: 05:00 AM മുതൽ 12:00 PM വരെ
• വൈകുന്നേരം: 05:00 PM മുതൽ 08:00 PM വരെ

എങ്ങനെ എത്തിച്ചേരാം?

• റോഡ് മാർഗ്ഗം: തളിപ്പറമ്പിൽ നിന്നും ആലക്കോട് റൂട്ടിൽ ബസ് കയറി കാഞ്ഞിരങ്ങാട് ഇറങ്ങാം (തളിപ്പറമ്പിൽ നിന്നും 6 കിലോമീറ്റർ ദൂരം). കണ്ണൂരിൽ നിന്നും തളിപ്പറമ്പിലേക്ക് നിരന്തരം ബസ് സർവീസുകളുണ്ട്.
• അടുത്തുള്ള റെയിൽവേ സ്റ്റേഷൻ: കണ്ണൂർ റെയിൽവേ സ്റ്റേഷൻ (ഏകദേശം 28 കി.മീ), പയ്യന്നൂർ റെയിൽവേ സ്റ്റേഷൻ (ഏകദേശം 25 കി.മീ)
• അടുത്തുള്ള വിമാനത്താവളം: കണ്ണൂർ അന്താരാഷ്ട്ര വിമാനത്താവളം (ഏകദേശം 40 കി.മീ)

ബന്ധപ്പെടാനുള്ള വിവരങ്ങൾ ( Kanjirangad Vaidyanadha Temple Phone Number & Contact Info)

വിലാസം : ശ്രീ വൈദ്യനാഥ ക്ഷേത്രം, കാഞ്ഞിരങ്ങാട്, തളിപ്പറമ്പ്, കണ്ണൂർ ജില്ല, കേരളം – 670142
ഭരണസമിതി :  മലബാർ ദേവസ്വത്തിന് കീഴിൽ TTK ദേവസ്വം
വൈദ്യനാഥ ക്ഷേത്രം ഫോൺ നമ്പർ: 04602227005

കൂടുതൽ പ്രശസ്തമായ ക്ഷേത്രവിശേഷങ്ങളും തീർത്ഥാടന വിവരങ്ങളും അറിയാൻ Kshethraveedhi.com സ്ഥിരമായി സന്ദർശിക്കുക.