കണ്ണൂരിലെ പ്രസിദ്ധമായ 10 ക്ഷേത്രങ്ങൾ

പരശു രാമൻ പ്രതിഷ്ഠ നടത്തിയ നൂറ്റെട്ട് ശിവാലയങ്ങളിൽ ഏറ്റവും പ്രധാനപ്പെട്ട ക്ഷേത്രമാണിത്. ഇവിടെ വന്ന് സ്വർണ്ണക്കുടം വച്ച് പ്രാർത്ഥിച്ചാൽ തടസ്സങ്ങൾ എല്ലാം മാറി ഉദ്ദിഷ്ടകാര്യസിദ്ധി നേടാൻ സാധിക്കും എന്നതാണ് ഏറെ വിശേഷം. ഇക്കാര്യത്താൽ സംസ്ഥാനത്തിന് അകത്തും പുറത്തുമുള്ള പ്രമുഖ രാഷ്ട്രീയക്കാർ, ബിസിനസുകാർ, സിനിമാ താരങ്ങൾ തുടങ്ങി നിരവധി പേർ സ്ഥിരമായി ദർശനം നടത്തുന്ന ക്ഷേത്രം കൂടിയാണിത്.

• പ്രധാന പ്രതിഷ്ഠ: ശ്രീ രാജരാജേശ്വരൻ (ശിവ ഭഗവാൻ)
• സ്ഥലം: തളിപ്പറമ്പ് ടൗണിൽ നിന്നും വെറും ഒന്നര കിലോമീറ്റർ മാത്രം

കേരളത്തിലെ വൈഷ്ണവ ക്ഷേത്രങ്ങളിൽ സുപ്രധാന സ്ഥാനം വഹിക്കുന്ന ക്ഷേത്രങ്ങളിൽ ഒന്നാണ് തൃച്ചംബരം ശ്രീകൃഷ്ണ ക്ഷേത്രം. ശ്രീ ശംബര മഹർഷി തപസ്സ് അനുഷ്ഠിച്ച സ്ഥലമായതിനാൽ അദ്ദേഹത്തിന്റെ പേരിൽ നിന്നാണ് തൃച്ചംബരം എന്ന പേര് വന്നതത്രേ.

• പ്രതിഷ്ഠ: കംസവധത്തിന് ശേഷമുള്ള രൗദ്രഭാവത്തിൽ ശ്രീകൃഷ്ണ ഭഗവാൻ
• സ്ഥലം: തളിപ്പറമ്പിൽ നിന്നും വെറും അര കിലോമീറ്റർ മാത്രം ദൂരം
• വിശേഷ ആചാരങ്ങൾ: മീന മാസത്തിൽ നടക്കുന്ന ഉത്സവത്തോടനുബന്ധിച്ചുള്ള ശ്രീകൃഷണ ബലരാമന്മാർ തമ്മിലുള്ള കൂടിക്കാഴ്ചയും അതിനുശേഷമുള്ള കൂടിപ്പിരിയൽ എന്ന തിടമ്പ് നൃത്ത ചടങ്ങുകൾ ഏറെ പ്രസിദ്ധമാണ്.

രോഗശാന്തിക്കായി ആയിരക്കണക്കിന് ഭക്തർ അഭയം തേടുന്ന മഹാദേവ ക്ഷേത്രം. അനേകം പേർക്ക് ഈ ക്ഷേത്ര ദർശനം നടത്തിയത് മൂലം രോഗശാന്തി ഉണ്ടായതായി തെളിവുകൾ ഉണ്ട്. .

• പ്രതിഷ്ഠ: രോഗങ്ങൾ മാറ്റുന്ന വൈദ്യനാഥ ഭാവത്തിൽ സാക്ഷാൽ പരമശിവൻ
• സ്ഥലം: കാഞ്ഞിരങ്ങാട്, തളിപ്പറമ്പിൽ നിന്നും 6 കിലോമീറ്റർ ദൂരം
• പൂജാ സമയം: രാവിലെ 5:00 – 12:00, വൈകിട്ട് 5:00 – 8:00.

നിത്യാന്നദാനത്തിന് ഇന്ത്യയിൽ തന്നെ ഏറ്റവും പേരു കേട്ടതും അതിപുരാതനവുമായ ദേവീക്ഷേത്രമാണിത്. സമ്പൽ സമൃദ്ധിയുടെ പ്രതീകമായി ചോറ് മുറം നിറയെ  കൊണ്ട് വരുന്ന ചോറ് ഭക്തർക്ക് മുറം കൊണ്ട് തന്നെ വിളമ്പുന്ന വിശേഷ ചടങ്ങ് എല്ലാ ദിവസവും നടക്കുന്നു.

• പ്രതിഷ്ഠ: ഇരു ശ്രീ കോവിലുകളിലായി ശ്രീ അന്നപൂർണ്ണേശ്വരി ദേവിയും, ശ്രീകൃഷ്ണ ഭഗവാനും
• സ്ഥലം: ചെറുകുന്ന് (കണ്ണൂർ നഗരത്തിൽ നിന്നും 15 കി.മീ). ഏറ്റവും അടുത്ത റയിൽവേ സ്റ്റേഷൻ കണ്ണപുരം.
• പ്രത്യേകത: പടിഞ്ഞാറോട്ട് ദർശനമുള്ള വളരെ ചുരുക്കം ക്ഷേത്രങ്ങളിലൊന്നാണിത്.

കണ്ണൂർ ജില്ലയിൽ മയ്യിൽ പഞ്ചായത്തിൽ സ്ഥിതിചെയ്യുന്ന മഹാക്ഷേത്രം. കേരളത്തിലെ തന്നെ ഏറ്റവും ചൈതന്യം നിറഞ്ഞൊഴുകുന്ന അപൂർവ്വം ഗണപതി ക്ഷേത്രങ്ങളിൽ ഒന്നാണിത്.

• പ്രതിഷ്ഠ: ശ്രീ മഹാഗണപതി. ഗണപതിക്ക് പുറമെ, തളിപ്പറമ്പിലെ പ്രമുഖമായ മൂന്നമ്പല സങ്കൽപ്പത്തിലുള്ള ശ്രീ രാജരാജേശ്വരൻ, ശ്രീ വൈദ്യനാഥൻ, ശ്രീകൃഷ്ണൻ എന്നീ പ്രതിഷ്ഠകളും തുല്യപ്രാധാന്യത്തിൽ ഈ ക്ഷേത്രത്തിൽ ഉണ്ട്.
• സ്ഥലം: വേളം, മയ്യിൽ പഞ്ചായത്ത് (കണ്ണൂർ ടൗണിൽ നിന്നും 20 കി.മീ)

കണ്ണൂർ ജില്ലയിലെ കാശ്മീരി ശൈവ- കൗള ആചാരപ്രകാരമുള്ള പൂജകൾ നടക്കുന്നതും അതീവ ദൈവിക ചൈതന്യം നിറഞ്ഞൊഴുകുന്നതുമായ പ്രസിദ്ധ ദേവീ ക്ഷേത്രം. ക്ഷേത്രത്തിൽ പ്രവേശിക്കുമ്പോൾ തന്നെ ദൈവികമായ ഒരു പ്രത്യേക വൈബ്രേഷൻ അനുഭവിക്കാൻ സാധിക്കും. പുരാതന കാലത്ത് തേജസ്വനികളായ നിരവധി മുനിമാർ ആരാധിച്ചിരുന്ന ശക്തിപീഠമാണിത്.

• പ്രതിഷ്ഠ: പ്രധാന പ്രതിഷ്ഠ ആദിപരാശക്തി ശ്രീ ദുർഗ്ഗ / ഭദ്രകാളി. കൂടാതെ ശ്രീ പരമശിവൻ, ഇന്ദ്രാണി, വാരാഹി, മാതംഗി തുടങ്ങി സപ്ത മാതൃക്കൾ, ഗണപതി, വീരഭദ്രൻ, ശാസ്താവ്, നാഗം, ക്ഷേത്രപാലകൻ തുടങ്ങിയ ദേവതകളും ഉണ്ട്.
• സ്ഥലം: ഇരിക്കൂർ പുഴയുടെ തീരത്ത് (കണ്ണൂരിൽ നിന്നും 35 കി.മീ)
• അന്നദാനം: ഉച്ചയ്ക്കും രാത്രിയിലുമായി രണ്ട് നേരം മുഴുവൻ ഭക്തർക്കും അന്നദാനം നടത്തുന്ന മഹാക്ഷേത്രം.

രുരുചിത് വിധാനത്തിൽ കാശ്മീരി ശൈവ കൗളാചാരപ്രകാരം ആരാധിക്കുന്ന കണ്ണൂർ ജില്ലയിലെ ഏറ്റവും പ്രമുഖ ക്ഷേത്രം. കോലത്തിരി (ചിറക്കൽ രാജവംശം) രാജാക്കന്മാരുടെ പരദേവതയാണ് ശ്രീ തിരുവർക്കാട്ട് ഭഗവതി എന്ന മാടായിക്കാവിലമ്മ.

• പ്രതിഷ്ഠ: തിരുവർക്കാട്ട് ഭഗവതി (ശ്രീ ഭദ്രകാളി). സപ്ത മാതൃക്കൾ, ഗണപതി, വീരഭദ്രൻ, പരമശിവൻ, ശാസ്താവ്, ക്ഷേത്രപാലകൻ എന്നീ പ്രതിഷ്ഠകളും ഇവിടെ ഉണ്ട്.
• സ്ഥലം: മാടായി (പഴയങ്ങാടി റൂട്ടിൽ 25 കി.മീ). അടുത്തുള്ള റെയിൽവേസ്റ്റേഷൻ പഴയങ്ങാടി (3 KM).

ശബരിമലപോലെ തന്നെ ഉത്സവകാലത്ത്, രാജ്യത്തിലെ എല്ലാ ഭാഗത്ത് നിന്നും ഏറ്റവും കൂടുതൽ ഭക്തർ ദർശനം നടത്തുന്ന കണ്ണൂർ ജില്ലയിലെ പ്രമുഖ ക്ഷേത്രം. അക്കരെ കൊട്ടിയൂർ, ഇക്കരെ കൊട്ടിയൂർ എന്നിങ്ങനെ രണ്ട് ക്ഷേത്രങ്ങൾ ചേർന്ന കൊട്ടിയൂർ അമ്പലം ‘ദക്ഷിണ കാശി’ എന്ന പേരിൽ അറിയപ്പെടുന്നു. പുരാണ പ്രസിദ്ധമായ ദക്ഷയാഗം നടന്നത് ബാവലി പുഴയുടെ തീരത്തുള്ള അക്കരെകൊട്ടിയൂരെ യാഗശാലയിൽ ആണ് എന്നാണ് വിശ്വാസം.

• പ്രതിഷ്ഠ: അക്കരെ കൊട്ടിയൂരിൽ സ്വയംഭൂവായ പരമശിവൻ, സമീപത്തതായി അമ്മാറക്കല്ലിൽ ശ്രീ സതീ ദേവി സാന്നിധ്യം. ഇക്കരെ കൊട്ടിയൂരിൽ പരമേശ്വരനും ശ്രീ പാർവ്വതി ദേവിയും.
• സ്ഥലം: കൊട്ടിയൂർ പഞ്ചായത്ത് (കണ്ണൂരിൽ നിന്നും 72 കി.മീ). അടുത്തുള്ള റെയിൽവേസ്റ്റേഷൻ തലശ്ശേരി.

മഹാത്ഭുതങ്ങളിലൂടെയും ഭക്തജനങ്ങൾക്ക് കിട്ടുന്ന അത്ഭുതകരമായ അനുഗ്രഹങ്ങളാലും ഏറെ പ്രസിദ്ധമായ ദേവീക്ഷേത്രം. ശ്രീ പരശുരാമൻ പ്രതിഷ്ഠിച്ച 108 ദേവീക്ഷേത്രങ്ങളിൽ ഒന്ന്. കേരളത്തിന്റെ തനത് കലാരൂപമായ കഥകളിയുടെ ആരംഭം ഈ ക്ഷേത്രത്തിൽ നിന്നാണ്.

• പ്രധാന പ്രതിഷ്ഠ: ശ്രീ ദുർഗ്ഗാ ഭഗവതി.
• സ്ഥലം: മുഴക്കുന്ന്, ഇരിട്ടി-പേരാവൂർ റൂട്ട് (കണ്ണൂരിൽ നിന്നും 45 കി.മീ).

വളപട്ടണം – പറശ്ശിനി പുഴയുടെ തീരത്ത് സ്ഥിതിചെയ്യുന്ന ഈ ക്ഷേത്രം വടക്കേ മലബാറിലെ ഏറ്റവും പ്രധാനപ്പെട്ട തീർത്ഥാടന കേന്ദ്രമാണ്. ദ്രാവിഡ ആചാര പ്രകാരമുള്ള മദ്യം അടക്കമുള്ള ദ്രവ്യങ്ങൾ നിവേദിച്ചുകൊണ്ടുള്ള പൂജകളും മുത്തപ്പൻ തിരുവപ്പന തുടങ്ങിയ തെയ്യക്കോലങ്ങളും സ്ഥിരമായി കെട്ടിയാടപ്പെടുന്നു. ജാതി-മത-വർണ്ണ ഭേദമന്യേ എല്ലാവർക്കും ഇവിടെ പ്രവേശനം ഉണ്ട്. മുത്തപ്പ ആരാധനാ കേന്ദ്രങ്ങൾ അമ്പലം എന്നോ ക്ഷേത്രം എന്നോ അല്ലാതെ, മടപ്പുര എന്ന പേരിലാണ് അറിയപ്പെടുന്നത്.

• പ്രതിഷ്ഠ: ശിവ-വിഷ്ണു ചൈതന്യങ്ങളുടെ സങ്കൽപ്പത്തിൽ ശ്രീ മുത്തപ്പൻ – തിരുവപ്പന.
• സ്ഥലം: പറശ്ശിനി പുഴയോരം (കണ്ണൂരിൽ നിന്നും വെറും 20 കി.മീ).