മാടായിക്കാവ് ക്ഷേത്രം: ചരിത്രം, ആചാരങ്ങൾ, ദർശന സമയം | Madayi Kavu Temple

ഉത്തര മലബാറിലെ ഏറ്റവും പ്രശസ്തവും പുരാതനവുമായ ഭദ്രകാളി ക്ഷേത്രങ്ങളിലൊന്നാണ് കണ്ണൂർ ജില്ലയിലെ പഴയങ്ങാടിക്ക് സമീപം സ്ഥിതിചെയ്യുന്ന മാടായിക്കാവ് ക്ഷേത്രം (Madayi Kavu Temple). തിരുവർക്കാട് ഭഗവതി ക്ഷേത്രം എന്നും ഇതറിയപ്പെടുന്നു. പ്രകൃതിരമണീയമായ മാടായിപ്പാറയിൽ കുടികൊള്ളുന്ന മാടായിക്കാവിലമ്മയെ ദർശിക്കാൻ അന്യ സംസ്ഥാനങ്ങളിൽ നിന്ന് അടക്കം നിരവധി ഭക്തരാണ് അനുദിനം എത്തിച്ചേരുന്നത്.

ക്ഷേത്ര ചരിത്രവും ഐതിഹ്യവും

ചിറക്കൽ രാജവംശത്തിന്റെ (കോലത്തിരി) പരദേവതാ സ്ഥാനമാണ് മാടായിക്കാവ് ദേവിക്ക്. ദാരികവധത്തിന് ശേഷം ഉഗ്രരൂപിണിയായ ഭദ്രകാളിയെ ശാന്തസ്വരൂപിണിയാക്കി പരശുരാമൻ ഇവിടെ പ്രതിഷ്ഠിച്ചു എന്നാണ് വിശ്വാസം. തളിപ്പറമ്പ് രാജരാജേശ്വര ക്ഷേത്രത്തിൽ കുടികൊണ്ടിരുന്ന ദേവിയെ പിന്നീട് ശാക്തേയ പൂജകൾക്കായി മാടായിലേക്ക് മാറ്റിയതാണെന്നും ഐതിഹ്യമുണ്ട്. കേരളത്തിലെ ഭദ്രകാളി ക്ഷേത്രങ്ങളുടെ മാതൃസ്ഥാനമായി മാടായിക്കാവ് കണക്കാക്കപ്പെടുന്നു.

അപൂർവ്വമായ ആചാരങ്ങൾ (Unique Rituals)

രുരുജിത്ത് വിധാനത്തിലാണ് ഈ ക്ഷേത്രം നിർമ്മിച്ചിരിക്കുന്നത്. കാശ്മീരിൽ നിന്നും വന്നവരാണെന്ന് വിശ്വസിക്കപ്പെടുന്ന ‘പിടാരർ’ (കൗള സമ്പ്രദായം) എന്ന പ്രത്യേക ബ്രാഹ്മണ വിഭാഗമാണ് ഇവിടെ ശാക്തേയ വിധിപ്രകാരം പൂജകൾ നടത്തുന്നത്. കടുശർക്കര യോഗത്തിൽ നിർമ്മിച്ച ഭഗവതിയുടെ വിഗ്രഹമായതിനാൽ ഇവിടെ അഭിഷേകം പതിവില്ല.

ദർശന സമയം (Darshan Timings)

ഭക്തർക്ക് ദേവിയെ ദർശിക്കാനായി ക്ഷേത്രം തുറക്കുന്ന സമയക്രമം താഴെ നൽകുന്നു:

*(വിശേഷ ദിവസങ്ങളിൽ സമയക്രമത്തിൽ മാറ്റങ്ങൾ ഉണ്ടാകാൻ സാധ്യതയുണ്ട്).

വസ്ത്രധാരണം (Dress Code)

പ്രധാന വഴിപാടുകൾ (Important Offerings)

കടുത്ത ദോഷങ്ങൾ അകറ്റാനും ശത്രുദോഷ പരിഹാരങ്ങൾക്കും മാടായിക്കാവിലെ വഴിപാടുകൾ അത്യുത്തമമാണ്:

• ശത്രുസംഹാര പൂജ & ഗുരുതി തർപ്പണം: ശത്രുദോഷം അകറ്റാൻ ദേവിക്ക് സമർപ്പിക്കുന്ന പ്രധാന വഴിപാടുകൾ.
• അകപൂജ: ശാക്തേയ പൂജകൾ നടക്കുന്നതിനാൽ ദേവിക്ക് ഏറെ പ്രിയപ്പെട്ട വഴിപാടാണിത്.

പ്രധാന വിശേഷ ദിവസങ്ങൾ (Festivals)

• മാടായിക്കാവ് പൂരം: മീനമാസത്തിലെ കാർത്തിക നാളിൽ തുടങ്ങി പൂരം നാളിൽ അവസാനിക്കുന്ന വലിയ ഉത്സവം.
• മേടമാസത്തിലെ കലശം: മേടമാസത്തിൽ നടക്കുന്ന കലശത്തോടെയാണ് ഉത്തരമലബാറിലെ കാവുകളിലെ ഉത്സവക്കാലത്തിന് സമാപനമാകുന്നത്.
• നവരാത്രി & പത്താമുദയം: നവരാത്രി ദിനങ്ങളിൽ വിശേഷാൽ പൂജകളും വിദ്യാരംഭ ചടങ്ങുകളും നടക്കുന്നു.

അന്ന പ്രസാദം

എല്ലാ ചൊവ്വ, വെള്ളി, ശനി, ഞായർ ദിവസങ്ങളിലും ഉച്ചയ്ക്ക് ഭക്തർക്കായി സൗജന്യ അന്നപ്രസാദം ഉണ്ടായിരിക്കുന്നതാണ്.

ക്ഷേത്രത്തിൽ എങ്ങനെ എത്തിച്ചേരാം? (How to Reach)

• ട്രെയിൻ മാർഗ്ഗം: ഏറ്റവും അടുത്തുള്ള റെയിൽവേ സ്റ്റേഷൻ പഴയങ്ങാടി (ക്ഷേത്രത്തിൽ നിന്നും ഏകദേശം 1.5 – 2 കിലോമീറ്റർ മാത്രം അകലെ). പ്രധാന സ്റ്റേഷനുകളായ കണ്ണൂർ (22 KM), പയ്യന്നൂർ (13 KM) എന്നിവിടങ്ങളിൽ ഇറങ്ങിയും എത്താം.
• ബസ് / റോഡ് മാർഗ്ഗം: കണ്ണൂരിൽ നിന്നും പയ്യന്നൂരിൽ നിന്നും പഴയങ്ങാടിയിലേക്ക് ധാരാളം ബസുകളുണ്ട്. പഴയങ്ങാടിയിൽ നിന്ന് ഓട്ടോ ലഭ്യമാണ്.
• വിമാന മാർഗ്ഗം: കണ്ണൂർ അന്താരാഷ്ട്ര വിമാനത്താവളം (CNN) – ഏകദേശം 40 കിലോമീറ്റർ അകലെ.

കൂടുതൽ വിവരങ്ങൾക്ക് (Madayikkavu Contact Number and details )

മാടയിക്കാവ് അമ്പലം ഫോൺ നമ്പറുകൾ: 0497-2875834 | 0497-2872344
മാനേജ്മെന്റ്: മലബാർ ദേവസ്വം ബോർഡ്

കൂടുതൽ ഹിന്ദു ക്ഷേത്രങ്ങളെക്കുറിച്ചും ആചാരങ്ങളെക്കുറിച്ചുമുള്ള വിവരങ്ങൾക്ക് kshethraveedhi.com സന്ദർശിക്കുക.